Rósa Sigrún Jónsdóttir


"Um fegurðina"

Síðasta, allra síðasta sýningarhelgi í Gallerí Hlemm

Sýningu Rósu Sigrúnar Jónsdóttur lýkur nú um helgina. Rósa Sigrún útskrifaðist frá Listaháskóla Íslands árið 2001, og verið ötul við listsköpun og sýningarhald síðan. Verk hennar “Um fegurðina” hefur áður verið sýnt í Luleå í Svíþjóð sumarið 2003 þar sem það vann til verðlauna. Rætur verksins liggja í vangaveltum um fegurðina.

Ragna Sigurðardóttir gagnrýnandi Morgunblaðsins skrifar m.a. um sýninguna: “Verkið sem Rósa sýnir núna í Gallerí Hlemmi er sannkallaður svanasöngur gallerísins, það er fallegt, sterkt og eftirminnilegt í einfeldni sinni. Rósa er afar hæfileikaríkur listamaður og henni tekst að birta okkur hinum sterka og fallega sýn á hversdagslega hluti. Eyrnapinnavefnaðurinn er sláandi verk sem situr í manni. Það minnir á smíð náttúrunnar eins og kóngulóarvef eða býflugnabú en vísar um leið til neyslusamfélagsins og fegurðar- og hreinlætisdýrkunar þeirrar sem við búum við. Þráhyggjan sem birtist í gerð þess og stærð vefsins er óhugnanleg en um leið er vefurinn fallegur ásýndum. Myndbandið með útsaumnum í fingurgómana stækkar verkið og gerir það enn áleitnara.”

Í tilefni sýningarinnar og þeim tímamótum í starfsemi Gallerís Hlemms að loka sýningarsal sínum í Þverholtinu, þá býður galleríið til lokunarteitis á laugardaginn n.k. og hvetur alla þá listamenn sem sýnt hafa í galleríinu, velunnara gallerísins, ráðamenn menningarmála á Íslandi og alla aðra áhugasama gesti gallerísins til þess að koma og lyfta kveðjuskál.

 

10. jan. - 31. jan. 2004

[ Fréttatilkynning ]  [ Ferilskrá ]  [ Myndir ]
 

 

 


 




 

07.01.2004