Fréttatilkynning

"Óboðnir gestir", Þuríður Sigurðardóttir
10. jan. - 2. feb.
Opnun, föstudagskvöldið 10. jan. kl. 20:00 – 22:00

Í byrjun janúar mun Gallerí Hlemmur opna sýning á verkum Þuríðar Sigurðardóttur.
Þura hefur að mestu leyti fengist við málverk um skeið og náð að teygja þann miðil og toga í
ýmsar óvæntar áttir.
Nú síðast sýndi hún undir stiganum í i8 Gallerí og málaði
þar sjálfsmynd beint á vegginn, líkt og hún væri að klöngrast upp úr gólfinu.
Hún hefur samtvinnað ljósmyndir og málverk, fengist við ofurraunsæislegar
útfæslur á ýmsum munum en á komandi sýningu í Gallerí Hlemmi gengur hún lengra
en nokkru sinni fyrr í gaumgæfilegri skoðun og túlkun á hinu agnarsmáa og viðkvæma.
Þura hefur gengið með hugmyndina að þessari sýningu í kollinum um nokkurn tíma
en beðið eftir rétta augnablikinu. Einmitt á myrkasta tíma ársins og eftir
hátíðarnar - þegar jólaljósin slokkna og svartasti vetur nær yfirhöndinni - þá
er líklega magnaðasti árstíminn fyrir þessi verk hennar. Þau munu blasa við út
um glugga Gallerís Hlemms og ef til vill koma flatt upp á vegfarendur. Þau eru
nefnilega "óboðnir gestir".

Sýningunni lýkur sunnudaginn 2. febrúar

Gallerí Hlemmur verður opinn miðvikudaga til sunnudaga frá 14:00 – 18:00

Vefsíðan er http://galleri.hlemmur.is