Fréttatilkynning

Fréttatilkynning frá Gallerí Hlemmi:

"of nam hjá fiðurfé og van"

Laugardaginn 3. maí klukkan 16:00 opnar Steingrímur Eyfjörð myndlistarmaður
sýninguna  "of nam hjá fiðurfé og van" í Gallerí Hlemmi. Steingrímur Eyfjörð hefur haldið
fjölda sýninga bæði í hér heima og á alþjóðlegum vettvangi.
Sjá: http://this.is/endless/ og http://umm.is

Sýningin “of nam hjá fiðurfé og van” er innsetningarverk sem byggir á 50
ára gamalli frásögn af íslenskri stúlku sem ólst upp að einhverju
leyti innan um hænur og hélt þar af leiðandi, að hún væri fugl.
Fyrirbærið “villibarn”(feralchild) er einna þekktast í sögunni um Tarzan apabróður,
úlfabarnið Mowgli og í sögunni um Rómulus og Remus.

Titill sýningarinnar varð til síðastliðinn páskadag,
hjá Megasi sem framlag til sýningarinnar:

“of nam hjá fiðurfé og van”

hænsleg skil nam ég boðs og banns
og beisk ólíkindi ofs og vans
og leyndardóm fiðraðs afs og ás
upp þá reis múrinn tegundalás
en möguleikar maka sig við þinn markaða bás

Sýningunni lýkur sunnudaginn 25. maí

Gallerí Hlemmur verður opinn fimmtudaga til sunnudaga frá 14:00 – 18:00